Віншуем са святам матулі!
“Віншуем са святам матулі!”
Кастрычнік, сярэдзіна восені. Дзень маці адзначаецца менавіта ў гэтую пору года, калі на календары адно з галоўных хрысціянскіх свят, а дрэвы за акном усыпаюць зямлю пазалотай лісця.
Святкаванне Дня маці пачалося яшчэ ў Старажытным Рыме, калі людзі славілі багіню зямлі і ўраджаю. У хрысціянстве гэтае свята звязана з Пакровай Божай Маці. У гэты дзень прынята гаварыць словы падзякі і любові маці, уручаць падарункі.
Кожны год напярэдадні Дня маці на базе нашай школы праводзіцца агульнашкольны бацькоўскі сход і святочны канцэрт, прысвечаны гэтаму святу. Вось і ў гэтым годзе мы не змянілі традыцыі.На бацькоўскім сходзе прысутнічалі госці:
- інспектар па справах няпаўналетніх Стральчэня М.К.;
- прадстаўнік МНС Барысенка Ул.С.;
- педыятр Тураўскай бальніцы Катлярчук Н.М.
У рамках бацькоўскага сходу абмяркоўваліся пытанні на розныя тэмы.
Пасля завяршэння бацькоўскага сходу гучалі цодоўныя вершы, музычныя кампазіцыі, а таксама жартоўныя мініяцюры да Дня маці.
Дзень маці – цудоўная нагода, каб яшчэ раз сказаць словы падзякі і спагады самаму дарагому і блізкаму чалавеку.
Мама заўсёды застаецца мамай, а дзеці – дзецьмі!
Якое гэта вялікае шчасце, калі мама побач! Яна ўсё зразумее, усё даруе. Шануйце сваіх мам!
Старшыня прафкама Бурак Г.Ул.
