Дзень роднай мовы
Магчыма, гэта і не нова,
Што слова – зерне на сяўбе,
А хто не любіць роднай мовы,
Той любіць толькі сам сябе…
С. Грахоўскі
Cёння у свеце шмат цудоўных моў. Адны з іх вабяць сваёй прыгажосцю і непаўторнасцю, другія – мілагучнасцю. Але ў кожнага чалавека ёсць толькі адна родная мова, якая завецца роднай. Менавіта на гэтай мове ён размаўляе з роднымі, сябрамі, знаёмымі. І вельмі дрэнна, калі чалавек пачынае забывацца на сваю мову, не шануе яе.
Кожны народ 21 лютага адзначае Дзень роднай мовы. Першапачаткова з такой ініцыятывай выступіў Бангладэш. Менавіта ў гэтай краіне 21 лютага 1957 года загінулі пяць студэнтаў, якія адстойвалі права навучацца на роднай мове.
Зараз у нашым рознакаляровым і рознагалосым свеце налічваецца больш за шэсць тысяч моваў. Палова з іх пад пагрозай знікнення. Дзеля захавання моў, якія апынуліся на парозе знікнення, міжнародны фонд UNESCO абвясціў дзень роднай мовы — каб хоць у такі дзень на іх загаварылі, пра іх успомнілі.
Родная мова шмат не патрабуе. Але калі ўжо назваў яе роднай, калі лічыш яе такой для сябе — павінен жа быць перад ёй хоць нейкі абавязак.
Мая родная мова, жыві і квітней!
Гэтыя словы гучалі асабліва часта з вуснаў настаўнікаў і вучняў падчас правядзення Міжнароднага дня роднай мовы ў ДУА “Рычоўскі дзіцячы сад-сярэдняя школа”.
Былі арганізаваны ў гэты дзень:
- Мерапрыемствы конкурс знаўцаў“У роднай мовы роднае карэнне…”;
- Віктарына “Моўныя скарбы роднага краю ” ;
- Конкурс чытальнікаў “Беларускія вершы”.
Усе мерапрыемствы, праведзеныя ў рамках свята, маюць на мэце развіваць пазнавальную актыўнасць вучняў, узбагачаць іх слоўнікавы запас, актывізаваць маўленчую дзейнасць; выхоўваць моўнае чуццё і ўвагу да слова: развіваць творчыя ўяўленні і здольнасці школьнікаў; прывіваць любоў да роднай мовы, каб зберагчы і ўзбагаціць духоўны скарб народа.
Для папаўнення актыўнага слоўніка вучняў усе распрацаваныя сцэнарыі мерапрыемстваў “У роднай мовы роднае карэнне”, якія былі праведзены з вучнямі 5-6 класаў, звязаны з раздзелам “Лексіка. Фразеалогія”. Менавіта лексіка “заўжды гатова аж з цэлым светам гаварыць”, а таксама яна гатова раскрыць нам таямніцы слоў і падарыць усе скарбы мовы.
