Народны касцюм
Апісанне касцюма
Жаночы касцюм вельмі разнастайны, з выяўленай нацыянальнай спэцыфікай. Вылучаюцца наступныя кампаненты:
1.Кашуля (сарочка) 2. Камізэлька (кабат)
3.Спадніца 4.Фартух
5.Лапці 6.Галаўны ўбор - хусцінка
1.Кашуля: з прамымі плечавымі ўстаўкамі, тунікападобная, з какеткай (гёсткай). На рукавах маюцца вышытыя гладдзю ўзоры. Першапачаткова ўзоры вышывалі “крыжыкам”. На кашулях жанчын былі выявы “курачкі і петушка”, “кветкі” – сімвал дабрабыту, прадаўжэння роду. Выкарыстоўвалі ніткі чырвонага і чорнага колеру. З часам сталі ўзоры вышываць “гладдзю”, пераважна “кветкі”.
2.Спадніца : чорная, з папярэчнымі, рознакаляровымі атласнымі лентамі. Спадніца са складкамі. У мясцовасці называецца “ галёны”.
3.Камізэлька (кабат) : пашыты з шаўковай і перкалёвай тканін, упрыгожаны вертыкальна прышытымі атласнымі лентамі. Абшыты вакол для прыгажосці тканінай іншага колеру.
4.Фартух: белы, упрыгожаны невялікімі складкамі, мае паўкруглую форму, упрыгожаны вышытым гладдзю ўзорам.
5. Лапці: сплеценыя з лазы. Летам хадзілі басанож - шкадавалі такі абутак. Лапці былі двух гатункаў: паўсядзённыя і святочныя.
6. Хусцінка: у касцюме нашай мясцовасці выкарыстоўвалі хусцінкі розных памераў. Іх раней шылі з палатна і ў цэнтры вышывалі невялікую кветку.Зараз перавагу аддаюць купленым, узорчатым галаўным уборам.
