Лялькі
Любая дзяўчынка не можа ўявіць сябе без гульні ў “лялькі”. У наш час якіх іх толькі няма! Яшчэ зусім нядаўна нашы бабулі, будучы дзецьмі, не чакалі, калі ім купяць ў магазіне ляльку, а рабілі яе самастойна. Дзяўчынкі здаўна ўмелі спавіваць кавалкам тканіны пук саломы, сена, палена. У вобразе гэтага яны бачылі дзіця. Дзіцячыя лялькі рабіліся хутка і проста (дадатак 4). Асновай магла служыць драўляная цурка, “мотанка” з тканіны, гліна, да якой прымацоўвалі валасы, вугалькамі малявалі твар, а з кавалачкаў тканіны шылі адзенне, рабілі калыскі і гулялі, адначасова вучыліся, паўтараючы за сваімі мамамі, выхоўваць дзяцей. Спявалі ім песні, расказвалі казкі і г.д.
